Paralimpiada-2024: O‘zbekistonning top-10'ga kirishi qiyinlashdi
Sport
−
07 Sentabr 15567
Paralimpiada bahslari yakunlanishiga ikki kun qolganda O‘zbekiston delegatsiyasi umumjamoa hisobida 12-o‘rinni egallab turibdi.
6 sentyabr kungi dasturda o‘zbekistonlik parasportchilar 1 ta oltin, 2 ta kumush va 3 ta bronza medalini qo‘lga kiritib, delegatsiyaning umumjamoa hisobida o‘z o‘rnini mustahkamlashini ta’minladi.
Hozirda O‘zbekiston delegatsiyasi umumjamoa hisobida 9 ta oltin, 8 ta kumush va 6 ta bronza jami 23 ta medal bilan 12-o‘rinni egallagan. O‘zbekiston kabi 9 ta oltin medalga ega Germaniya jamoasi kumush medallarning ko‘pligi evaziga 11-o‘rinni band etib turibdi. 12 ta oltin, 10 ta kumush va 15 ta bronza, jami 37 ta medalga ega Yaponiya vakillari 10-o‘rindan mustahkam joy oldi.
O‘zbekistonning eng yaqin ta’qibchisi Kanada jamoasi bo‘lib turibdi. Amerika qit’asi vakillari 8 ta oltin, 7 ta kumush va 8 ta bronza, jami 23 ta medal jamg‘arishga ulgurdi.
Kuchli uchlikni Xitoy, Britaniya va AQSH jamoalari tashkil etishi allaqachon aniq bo‘lib ulgurgandi. Kuchli beshlikka esa Niderlandiya va Italiya jamoalari kirishni uddaladi.
Live
Barchasi
