Paralimpiada-2024: O‘zbekiston medallar sifati bo‘yicha eng yaxshi natijasiga erishdi
Sport
−
06 Sentabr 15516
O‘zbekiston delegatsiyasi yozgi Paralimpiya o‘yinlaridagi oltin medallari sonini 9 taga yetkazib, medallar sifati bo‘yicha o‘z tarixidagi eng yaxshi natijasini yangiladi.
Parij shahrida XVII yozgi Paralimpiya o‘yinlari yakuniga yetmagan bo‘lsa ham, O‘zbekiston delegatsiyasi ayni paytning o‘zidayoq 9 ta oltin, 6 ta kumush va 5 ta bronza medal bilan o‘z tarixidagi eng yaxshi natijani yangilab ulgurdi.
Bungacha o‘zbekistonlik paraatletlarning eng yaxshi natijasi Tokiodagi bahslarda qayd etilgan. O‘shanda delegatsiya 8 ta oltin, 5 ta kumush va 6 ta bronza jami 19 ta medal jamg‘arib, umumjamoa hisobida 16-o‘rinni egallagan.
Musobaqalar yakunlanishiga ikki kun qolgan bo‘lsa ham o‘zbekistonlik para yengil atletika, para dzyudo, para suzish, para pauerlifting, para velosport va para kanoechilarning ishtiroki davom etadi.
Live
Barchasi
