“Paxtakor” stadionida futbolchilar o‘rtasida mojaro yuz berdi
3-sahifa
−
02 aprel 2022 20267
Ijtimoiy tarmoqlarda “Paxtakor” stadionida futbol tugaganidan so‘ng janjal yuzaga kelganligi aks etgan video tarqaldi. Mazkur holat yuzasidan Toshkent shahar IIBB Matbuot xizmati rasmiy ma’lumot berdi.
Qayd etilishicha, kecha, 1 aprel kuni soat 19:00 da “Paxtakor” stadionida O‘zbekiston chempionati musobaqasi doirasida Toshkentning “Paxtakor” va Namangan viloyatining “Navbahor” jamoalari o‘rtasida futbol uchrashuvi bo‘lib o‘tgan.
Uchrashuv yakunlanganidan so‘ng “Navbahor” va “Paxtakor” jamoalari futbolchilari o‘rtasida o‘zaro kelishmovchilik kelib chiqqan.
Ushbu kelishmovchilik, xizmatga jalb qilingan huquqni muhofaza qiluvchi organ xodimlari tomonidan zudlik bilan bartaraf etilib, ommaviy tartibbuzarliklarning oldi olingan.
Hozirda holat yuzasidan Shayxontohur tumani IIO FMB tomonidan tekshiruv o‘tkazilmoqda.
Live
Barchasi
