Oyarsabal JCH tarixida o‘ziga xos antirekord qayd etdi

Ispaniya terma jamoasi hujumchisi Mikel Oyarsabal Jahon chempionatlari tarixida o‘ziga xos antirekordni qayd etdi. Bu haqda Opta statistika platformasi xabar berdi. 

Ma’lum qilinishicha, Ispaniyaning 2026 yilgi Jahon chempionatidagi Kabo-Verdega qarshi ilk uchrashuvida Oyarsabal o‘yinning dastlabki 30 daqiqasi davomida biror marta ham to‘pga tegmagan. Shu tariqa, u mundiallar tarixida bunday natija qayd etgan birinchi futbolchiga aylangan.

29 yoshli hujumchi Ispaniya milliy terma jamoasi safida hozirgacha 54 ta uchrashuvda maydonga tushib, 25 ta gol urgan. U klub miqyosida “Real Sosedad” sharafini himoya qiladi.

Ma’lumot uchun, Ispaniya terma jamoasi mundialning ilk uchrashuvida Jahon chempionati debyutanti Kabo-Verde bilan 0:0 hisobida durang o‘ynadi. Endilikda ispanlar guruh bosqichidagi keyingi uchrashuvlarini Saudiya Arabistoni (21 iyun) va Urugvay (27 iyun)ga qarshi o‘tkazadi.