OTMda yozgi ta’til o‘rniga pullik 3-semestr joriy qilinadi. Unda kimlar o‘qiydi?

Jamiyat

image

Fanlardan o‘z vaqtida baho olmagan talabalar uchinchi semestr uchun qo‘shimcha mablag‘ to‘laydi. Bu haqda Oliy va o‘rta maxsus ta’lim vazirligi bosh boshqarma boshlig‘i Abduvali Xolikov matbuot anjumanida ma’lum qildi.

Unga ko‘ra, oliy ta’lim muassasalarida ta’lim jarayonini kredit-model tizimida tashkil etish ishlari 2020-21-o‘quv yilidan joriy etib kelinyapti.

“Asosiy o‘zgarishlar — ilgari o‘quv haftalari 38-40 hafta atrofida bo‘lardi. Kredit-model tizimi joriy etilgach, bu muddat 36 haftaga tushdi. Soddaroq qilib aytganda, akademik dars jarayonlari 10 oydan 7,5-8 oyga tushirildi.

Talaba bir semestrda 15 hafta tahsil oladi. Agar bir semestrga 18 hafta ajratilgan bo‘lsa, uning ikki haftasi talabalar uchun o‘zlashtirilmagan fanlarini o‘zlashtirishga, yana bir haftasi yangi fanlar hamda o‘qituvchilarni tanlashga sarflanadi.

Yana bir muhim jihati — uchinchi, yozgi semestr ham qo‘shilgan. Bu — ta’til davriga to‘g‘ri keladi va talabalarning arizasiga ko‘ra, fanlardan baho olmaganlar uchun tashkil etiladi. Uchinchi semestr uchun ariza bergan talabalar belgilangan tartibda qo‘shimcha mablag‘ni amalga oshiradi”, deydi Xolikov.

Vazirlik mas’uliga ko‘ra, hozircha bu tizim bo‘yicha savollar bo‘lyapti, ammo uch yildan so‘ng barcha bu tizimga to‘liq moslashadi.


Maqola muallifi

Teglar

OTM talaba

Baholaganlar

526

Reyting

2.9

Maqolaga baho bering

Doʻstlaringiz bilan ulashing