Otamurodov va Ketmonov Spiker o‘rinbosarligidan ham ketdi
Jamiyat
−
13 Iyun 2019 5280 1 daqiqa
Bugun, 12 iyun kuni Oliy Majlis Qonunchilik palatasining navbatdagi yalpi majlisi bo‘lib o‘tmoqda. Deputatlar tomonidan qator tashkiliy masalalar ko‘rib chiqildi. Bu haqda “Yuksalish” umummilliy harakati xabar berdi.
Jumladan:
– Sarvar Otamurodov Oliy Majlis Qonunchilik palatasi Spikerining o‘rinbosari va Innovatsion rivojlanish va axborot texnologiyalari masalalari qo‘mitasi a’zosi lavozimidan ozod etildi.
– Xotamjon Ketmonov Oliy Majlis Qonunchilik palatasi Spikerining o‘rinbosari va Mudofaa va xavfsizlik masalalari qo‘mitasi a’zosi lavozimidan ozod etildi.
– Alisher Qodirov Oliy Majlis Qonunchilik palatasi Spikerining o‘rinbosari etib saylandi.
Eslatib o‘tamiz, Sarvar Otamurodov joriy yilning 22 may kuni “Milliy tiklanish” demokratik partiyasi raisi lavozimdan ketgandi, Xotamjon Ketmonov esa 1 iyun kuni Xalq demokratik partiyasi rahbarligidan ketgandi.
