Osiyo kubogi: O‘zbekiston futzalchilari 5 ta gol kiritilgan o‘yinda Tojikistonni mag‘lub etdi
Sport
−
29 Sentabr 2022 3110
Bugun, 29 sentyabr kuni Kuvayt mezbonlik qilayotgan futzal bo‘yicha Osiyo Kubogining 2-turi doirasida O‘zbekiston terma jamoasi Tojikistonga qarshi bahs olib bordi va g‘alabaga erishdi.
Uchrashuvdagi birinchi gol o‘zbekistonliklar tomonidan kiritildi. Elbek To‘lqinov 3-daqiqada o‘z ismini tabloga yozdirib qo‘ydi. Orada 4 daqiqa o‘tib, Fayzali Sardorov muvozanatni tikiladi. Fayzalining goliga O‘zbekiston terma jamoasi ikkita gol bilan javob berdi. Husniddin Nishonov va Anasxon Rahmatov gol muallifiga aylandi. Natijada, birinchi taym o‘zbekistonlik futzalchilarning 3:1 hisobidagi g‘alabasi bilan yakunlandi.
38-daqiqaga kelib, tojiklar ikkinchi to‘pni darvozaga kiritishning uddasidan chiqdi. Gol muallifi yana o‘sha Fayzali Sardorov bo‘ldi. Tomonlar qanchalik harakat qilishmasin boshqa gol kiritilmadi. Shu tariqa, O‘zbekiston terma jamoasi 3:2 hisobidagi qiyin g‘alabaga erishdi.
Tojikiston – O‘zbekiston 2:3.
Gollar: 0:1 – Elbek To‘lqinov (3), 1:1 – Fayzali Sardorov (4), 1:2 Husniddin Nishonov (7), Anasxon 1:3 – Rahmatov (19), 2:3 – Fayzali Sardorov (38).
Tojikiston (dastlabki beshlik): 1.Firuz Bozmamadov, 3.Bahodur Hojayev, 4.Shavqat Xalimov, 7.Rustam Hamidov, 11.Iqboli Vositzoda.
Zaxira: 2.Firuz Bekmurodov, 5.Sobirjon Gulyakov, 6.Idris Yorov, 8.Muhammadjon Sharipov, 9.Fayzali Sardorov, 12.Umed Kuziyev, 13.Baxtiyor Soliyev, 14.Dilshod Salomov.
O‘zbekiston (dastlabki beshlik): 12.Ravshan Eliboyev, 4.Ixtiyor Ropiyev, 6.Ilhom Hamroyev, 8.Husniddin Nishonov, 10.Davron Choriyev.
Zaxira: 1.Rustam Umarov (s), 2.Anasxon Rahmatov, 3.Mashrab Odilov, 5.Sunnat Jo‘rayev, 7.Dilshod Rahmatov, 9.Elbek To‘lqinov, 11.Akbar Usmonov, 13.Shahram Faxriddinov, 14.Davlat Ibragimov.
Live
Barchasi
