Ogoh bo‘ling! “Hududgazta’minot” fuqarolarga murojaat bilan chiqdi

Xonada gaz hidi yo‘qligiga amin bo‘lmaguncha, elektr jihozlarini yoqmang, ikki konturli isitish qozonlaridan foydalanishda hushyorroq bo‘ling.  “Hududgazta’minot” AJ Matbuot xizmati fuqarolarni ogohlantirdi.

“Hurmatli tabiiy gaz iste’molchilari! Respublikamiz bo‘ylab elektr energiyasi ta’minotida uzilishlar kuzatilmoqda. Shu sababli xonadoningizdagi gaz jihozlariga yanada e’tiborli bo‘lishingizni so‘rab qolamiz”, deyiladi xabarda.

“Hududgazta’minot”ga ko‘ra:

•  Xonaga kirganingizda gaz hidi yo‘qligiga ishonch hosil qilmaguncha, elektr jihozlarini yoqmang;

•  Ko‘p qavatli uylarda o‘rnatilgan zamonaviy elektr jihozlaridan, ikki konturli isitish qozonlaridan foydalanishda hushyorroq bo‘lishing;

•  Agar gaz isitish qozoningiz yerto‘lada joylashgan bo‘lsa, albatta, uni qayta ko‘zdan kechirgan holda foydalaning;

•  Agar xonadoningizdagi gaz jihozlaridan gaz sizib chiqish holatini sezsangiz, zudlik bilan xonalarni shamollatish choralarini ko‘ring va 104 avariya dispetcherlik xizmatiga murojaat qiling.