Огоҳ бўлинг! “Ҳудудгазтаъминот” фуқароларга мурожаат билан чиқди

Хонада газ ҳиди йўқлигига амин бўлмагунча, электр жиҳозларини ёқманг, икки контурли иситиш қозонларидан фойдаланишда ҳушёрроқ бўлинг.  “Ҳудудгазтаъминот” АЖ Матбуот хизмати фуқароларни огоҳлантирди.

“Ҳурматли табиий газ истеъмолчилари! Республикамиз бўйлаб электр энергияси таъминотида узилишлар кузатилмоқда. Шу сабабли хонадонингиздаги газ жиҳозларига янада эътиборли бўлишингизни сўраб қоламиз”, дейилади хабарда.

“Ҳудудгазтаъминот”га кўра:

•  Хонага кирганингизда газ ҳиди йўқлигига ишонч ҳосил қилмагунча, электр жиҳозларини ёқманг;

•  Кўп қаватли уйларда ўрнатилган замонавий электр жиҳозларидан, икки контурли иситиш қозонларидан фойдаланишда ҳушёрроқ бўлишинг;

•  Агар газ иситиш қозонингиз ертўлада жойлашган бўлса, албатта, уни қайта кўздан кечирган ҳолда фойдаланинг;

•  Агар хонадонингиздаги газ жиҳозларидан газ сизиб чиқиш ҳолатини сезсангиз, зудлик билан хоналарни шамоллатиш чораларини кўринг ва 104 авария диспетчерлик хизматига мурожаат қилинг.