Nursulton Ro‘ziboyevning raqibi va jang sanasi tasdiqlandi
Sport
−
22 iyun 2023 14537
O‘zbekistonlik taniqli MMA jangchisi Nursulton Ro‘ziboyevning UFC'dagi debyut jangida raqibi va uchrashuv sanasi tasdiqlandi.
Unga ko‘ra, hozirda o‘zbekistonlik ikkinchi UFC jangchisi hisoblangan 29 yoshli sportchiga Braziliya vakili Bruno Ferreyra raqiblik qiladi.
Mazkur bahs O‘zbekiston vaqti bilan 2 iyul kuni, markaziy jangida Abuso‘fiyon Muhammadov va Shon Striklend ishtirok etadigan “UFC Fight Night” turniri doirasida bo‘lib o‘tadi.
.jpg)
Ma’lumot uchun, Ro‘ziboyevning raqibi Ferreyra professional faoliyati mobaynida 10 ta jang o‘tkazib, barchasida g‘alaba qozongan. UFC'da esa bitta jang o‘tkazgan va unda Gregori Rodrigesni mag‘lub etgan.
Eslatib o‘tamiz, avvalroq Nursulton Ro‘ziboyev UFC bilan shartnoma imzolagandi.
Muhsinjon Umurzoqov
