Nukusda 15 yashar qiz o‘zini kanalga tashladi
Jamiyat
−
19 may 2021
9989Bugun, 19 may kuni Qoraqalpog‘istonning Nukus shahrida 15 yoshli qiz o‘zini kanalga tashlab joniga qasd qilmoqchi bo‘ldi. Bu haqda Milliy gvardiya Matbuot xizmati xabar berdi.
Ma’lum qilinishicha, soat 12:30 larda Nukus shahrida jamoat tartibini saqlashga jalb qilingan patrul yo‘nalishida xizmat olib borayotgan Milliy gvardiya harbiy xizmatchilari tomonidan “Do‘stlik” kanaliga o‘zini tashlagan noma’lum ayol suvdan qutqarib olindi.
O‘z vaqtida birinchi tibbiy yordam ko‘rsatilib, shahar tibbiyot birlashmasiga yetkazilgan ushbu ayol, dastlabki surishtiruvlar mobaynida Nukus shahrida yashovchi 2005 yilda tug‘ilgan fuqaro J.T. ekanligi ma’lum bo‘lgan.
Hozirda mazkur holat yuzasidan Nukus shahar IIB tomonidan surishtiruv ishlari davom etmoqda.
LiveBarchasi
07 noyabr 2023
07 noyabr 2023
07 noyabr 2023