Neymar va Mbappe Instagram'da bir-birini kuzatishni to‘xtatdi
Sport
−
15 Sentabr 2023 4346
PSJ hujumchisi Kilian Mbappe va uning sobiq jamoadoshi Neymar Instagram'da bir-birlarini kuzatishni to‘xtatdi.
Neymar PSJni tark etishdan oldin Mbappeni tanqid qiluvchi nashrlarni kuzatib borardi. E’tiborlisi, Neymar kuzatadigan profillar orasida Kilian Mbappening ukasi Etan Mbappe bor.
31 yoshli Neymar yozda Saudiya Arabistonining “Al-Hilol” klubiga o‘tdi. Futbolchi hali yangi jamoasi tarkibida debyut qilgani yo‘q.
Braziliyalik hujumchi 2017 yildan buyon fransuz klubida o‘ynab kelayotgandi. PSJ tarkibida Neymar jami 173 ta o‘yin o‘tkazib, 118 ta gol urdi va 77 ta golli uzatmani amalga oshirdi. PSJ tarkibida braziliyalik futbolchi besh marta Fransiya chempioni bo‘ldi, uch marta Fransiya kubogini qo‘lga kiritdi va Yevropa Chempionlar ligasi finaliga chiqdi.
