Neymar nega “Real”ga o‘tmagan?

Ispaniyaning “Real Madrid” klubi sobiq sport direktori Roman Martines braziliyalik futbolchi Neymar o‘z vaqtida “qirollik klubi”ga o‘tishga yaqin kelganini ma’lum qildi.

Neymar 13 yoshida “Santyago Bernabeu”da 10 kun davomida mashg‘ulot o‘tkazdi. Robinoning agenti Vagner Ribeyro menga u haqida gapirib berdi. U bizda yaxshi taassurot qoldirdi. Gollar urdi, golli uzatmalarni amalga oshirdi. Shundan so‘ng biz uning otasi bilan hamma narsani kelishib oldik: oylik maosh, shartnoma. Faqat bir muammo bor edi. Neymar Braziliyada bobosi va buvisi bilan yashagan ekan. Biz ularga Madriddan uy sotib olib berishimiz kerak edi. Klub rahbariyati bu taklifga rozi bo‘lmadi va kelishuv bekor qilindi”, deydi Martines. 

Yakunda braziliyalik “to‘p sehrgari” yillar o‘tib, “Real”ning azaliy raqibi “Barselona”ga kelib qo‘shildi. U yerda 4 yil davomida samarali o‘yinlar o‘tkazgan braziliyalik futbolchi hozirda PSJ klubi a’zosi hisoblanadi.

Neymar “ko‘k-anorranglilar” tarkibida 186 o‘yinda maydonga tushib, 105 ta gol hamda 76 golli uzatmaga mualliflik qilgan.