Неймар нега “Реал”га ўтмаган?

Испаниянинг “Реал Мадрид” клуби собиқ спорт директори Роман Мартинес бразилиялик футболчи Неймар ўз вақтида “қироллик клуби”га ўтишга яқин келганини маълум қилди.

Неймар 13 ёшида “Сантьяго Бернабеу”да 10 кун давомида машғулот ўтказди. Робиньонинг агенти Вагнер Рибейро менга у ҳақида гапириб берди. У бизда яхши таассурот қолдирди. Голлар урди, голли узатмаларни амалга оширди. Шундан сўнг биз унинг отаси билан ҳамма нарсани келишиб олдик: ойлик маош, шартнома. Фақат бир муаммо бор эди. Неймар Бразилияда бобоси ва бувиси билан яшаган экан. Биз уларга Мадриддан уй сотиб олиб беришимиз керак эди. Клуб раҳбарияти бу таклифга рози бўлмади ва келишув бекор қилинди”, дейди Мартинес. 

Якунда бразилиялик “тўп сеҳргари” йиллар ўтиб, “Реал”нинг азалий рақиби “Барселона”га келиб қўшилди. У ерда 4 йил давомида самарали ўйинлар ўтказган бразилиялик футболчи ҳозирда ПСЖ клуби аъзоси ҳисобланади.

Неймар “кўк-анорранглилар” таркибида 186 ўйинда майдонга тушиб, 105 та гол ҳамда 76 голли узатмага муаллифлик қилган.