Neymar MLSning boshqa bir klubi bilan muzokaralarni boshladi

Braziliya terma jamoasi va “Al-Hilol” klubi vingeri Neymarga AQSH chempionati vakili “Chikago Fayr” jamoasidan taklif kelib tushdi. Bu haqda “Foot Mercato” nashri xabar berdi.

Manbaga ko‘ra, MLS vakili braziliyalik futbolchini yanvar oyidayoq sotib olmoqchi va 2 yillik shartnoma borasida muzokaralar olib bormoqda. Ammo ayni damga kelib, hech narsa kelishib olinmagan.

Ma’lumot o‘rnida, Neymar 2023 yilning oktyabridan 2024 yilning oktyabrigacha tizzasidagi xoch bog‘lami yorilib ketgani uchun maydonga tushmagan edi. Bu mavsumda Neymar ikkita o‘yin o‘tkazdi. “Al-Ayn” va “Istiqlol”ga qarshi uchrashuvlarda u umumiy 44 daqiqa to‘p tepdi. Eron klubi bilan bahs oxirida Neymar yana jarohat olib, uzoq muddatga safdan chiqdi. Braziliyalik vingerning narxi “Transfermarkt” portalida 15 million yevroga baholangan.

Eslatib o‘tamiz, avvalroq, 32 yoshli futbolchini “Inter Mayami” ham sotib olmoqchiligi haqida xabar berilgan edi.