“Netflix” Amir Temur hayotiga bag‘ishlangan film suratga olmoqchi

“Netflix” kompaniyasi sarkarda Amir Temur hayotiga bag‘ishlangan to‘liq metrajli film suratga olmoqchi. Bu haqda “Kazinform” xabar berdi.

Amir Temur hayoti haqida filmni suratga olish ishlari Qozog‘iston va O‘zbekistonda bo‘lib o‘tadi. Tarixiy film syujetida Amir Temirning kuchli sarkarda va mohir harbiy strateg sifatida shakllangan davri tasvirlangan.

Qayd etilishicha, tryuklar postanovkachisi “Nomad Stunts” guruhi asoschisi, kaskadyorlar uchun “Oskar” mukofoti sovrindori Jaydarbek Kungujinov.

“Bu biz uchun juda muhim loyiha. Biz “Netflix” striming xizmati uchun loyihalarni suratga olishda allaqachon ishtirok etganmiz, ammo birinchi marta bizning jamoamiz butun aksiya uchun to‘liq javobgar bo‘ladi”, deydi Kungujinov.

Eksterer suratga olish ishlarining asosiy qismi Qozog‘istonda, ichki suratga olish ishlari esa O‘zbekistonda bo‘lishi rejalashtirilgan. Film ijodkorlari loyihaga qozog‘istonlik mutaxassislar – operatorlar, liboslar dizaynerlari, ma’muriy xodimlarni jalb etish niyatida.

Tayyorgarlik 2023 yilning yanvar-mart oylarida, suratga olish ishlari esa aprel-may oylariga rejalashtirilgan.