Netanyaxuning sudi sentyabrgacha qoldirildi 

Quddus okrug sudi Isroil Bosh vaziri Binyamin Netanyaxuning ko‘rsatma berishini yana bir bor kechiktirdi. Bu safar Netanyaxuning kasal bo‘lgani bunga sabab bo‘ldi. Bu haqda “The Times of Israeil” xabar berdi.

Tinglovlar 21 va 22 iyul kunlari bo‘lib o‘tishi kerak edi, biroq 20 iyul kuni Netanyaxu idorasi Bosh vazir ovqatdan zaharlangani sababli o‘zini yomon his qilayotgani va shu sababli unga keyingi uch kun davomida uyda qolish buyurilgani haqida xabar berdi. Bosh vazirning advokati Amit Hadad tinglovni keyinga qoldirishni iltimos qildi.

Gazetaning qayd etishicha, Bosh prokuratura rozi bo‘lgan, biroq Netanyaxuning ko‘rsatmalarini 23 va 24 iyul kunlari tinglashni taklif qilgan. Biroq taqvimdagi boshqa sud majlislari bilan ziddiyat yuzaga kelgani sababli, sud kelasi hafta Bosh vazirning ko‘rsatuvini bekor qilishga qaror qilgan. Iyul oyi oxirida Isroil sudlari yozgi ta’tilga chiqadi va natijada Netanyaxu mahkamasi endi sentyabrga qoldirildi.

2019 yilning 21 noyabrida Isroil Bosh prokurori Netanyaxuni uchta ish bo‘yicha poraxo‘rlik, firibgarlik va ishonchni suiiste’mol qilishda ayblash to‘g‘risida qaror qabul qilganini e’lon qildi. Bosh vazir o‘ziga qo‘yilgan barcha ayblovlarni bir necha bor rad etgan. Ayblov xulosalari 2020 yil 28 yanvar kuni Quddus tuman sudiga topshirilgan.

Netanyaxu 2024 yil dekabrida sudda ko‘rsatma berishni boshlagan, biroq o‘shandan beri tinglovlar turli sabablarga ko‘ra to‘xtatilgan, bekor qilingan yoki qoldirilgan. Oxirgi marta Bosh vazir o‘tgan hafta boshida o‘z ko‘rsatuvini yakunlab, Suriyadagi vaziyat keskinlashgani sababli favqulodda xavfsizlik xavotirlarini keltirib chiqardi.

Eslatib o‘tamiz, kecha, 20 iyul kuni Isroil Bosh vaziri Binyamin Netanyaxu “yaroqsiz yoki buzilgan” oziq-ovqatdan zaharlandi va ichak yallig‘lanishi bilan kasallangandi.