Navoiyda noqonuniy tarzda baliq ovlaganlar aniqlandi
Jamiyat
−
29 Yanvar 2023 10569 1 daqiqa
Navoiy viloyatidagi To‘dako‘l suv havzasida noqonuniy tarzda baliq ovlandi. Bu haqda viloyat Ekologiya boshqarmasi matbuot xizmati xabar berdi.
Qayd etilishicha, viloyatning Qiziltepa tumanidagi To‘dako‘l suv havzasida 6 nafar fuqaro qoidalarni buzgan holda jami 48 dona baliqni ovlagan.
Holat yuzasidan huquqbuzarlarga Majburiy javobgarlik to‘g‘risidagi kodeksning 90-moddasi 1-qismi bilan bazaviy hisoblash miqdorining 10 barobari – jami 18 million so‘m jarima tayinlangan. Shuningdek, ovlangan baliqlar uchun hayvonot dunyosiga yetkazilgan 11 million 670 ming so‘m zarar miqdori ham hisoblangan.
Live
Barchasi