Navoiy Sog‘liqni saqlash boshqarmasi rahbari vafot etdi
Jamiyat
−
25 aprel 2023 15523
Navoiy viloyati Sog‘liqni saqlash boshqarmasi boshlig‘i Zafar Rasulov 44 yoshida vafot etdi. Bu haqda Sog‘liqni saqlash vazirligi Matbuot xizmati xabar berdi.
Sog‘liqni saqlash tizimida mas’ul lavozimlarda ishlagan shifokor Zafar Rasulov 1979 yil 23 oktyabrda Navoiy viloyatida tug‘ilgan. 2003 yilda Toshkent davlat tibbiyot institutini tamomlab, mehnat faoliyatini Navoiy kon-metallurgiya kombinatiga qarashli tibbiy sanitariya qismi terapevti sifatida boshlagan.
2012-2020 yillarda Uchquduq tuman tibbiyot birlashmasida bosh shifokor o‘rinbosari, birlashma boshlig‘i, Navoiy viloyat sog‘liqni saqlash boshqarmasi boshlig‘ining birinchi o‘rinbosari, Sog‘liqni saqlash vazirligi boshqarmasi boshlig‘i o‘rinbosari kabi mas’ul lavozimlarda ishlagan.
2020-2023 yillarda esa Navoiy viloyat Sog‘liqni saqlash boshqarmasi boshlig‘i sifatida samarali mehnat qilgan.
Live
Barchasi
