Namanganda uy yonib ketdi (video)
3-sahifa
−
14 fevral 2023 5995
Namangan shahridagi uylarning birida yong‘in chiqdi. Bu haqda Favqulodda vaziyatlar vazirligi xabar berdi.
Qayd etilishicha, joriy yilning 13 fevral kuni soat 16:16 da Namangan shahar “Qadamjo” mahallasi, Boburshoh 12 berk ko‘chasi 6 uyda yong‘in sodir bo‘lgan. Yong‘in oqibatida uyning shift va tom qismining 40 kvadrat metr maydoni yonib zararlangan.
Chaqiruvga ko‘ra, yong‘in-qutqaruv ekipaji voqea joyiga yetib borib, yong‘in bartaraf etilgan. Yong‘indan uyning 150 kvadrat metr maydoni saqlab qolingan. Hodisa oqibatida tan jarohati olgan va halok bo‘lganlar yo‘q.
“Hozirda yong‘in sababi va moddiy zarar miqdori aniqlanmoqda”, deyiladi xabarda.
Eslatib o‘tamiz, joriy yilning 7 fevralida Namangan viloyatining Kosonsoy tumanidagi uyda gaz-havo aralashmasining chaqnashi tufayli portlash sodir bo‘lgan edi. Oqibatda uy egalarining biri vafot etgandi.
Live
Barchasi