Наманганда уй ёниб кетди (видео)
3-саҳифа
−
14 Февраль 2023 5993
Наманган шаҳридаги уйларнинг бирида ёнғин чиқди. Бу ҳақда Фавқулодда вазиятлар вазирлиги хабар берди.
Қайд этилишича, жорий йилнинг 13 февраль куни соат 16:16 да Наманган шаҳар “Қадамжо” маҳалласи, Бобуршоҳ 12 берк кўчаси 6 уйда ёнғин содир бўлган. Ёнғин оқибатида уйнинг шифт ва том қисмининг 40 квадрат метр майдони ёниб зарарланган.
Чақирувга кўра, ёнғин-қутқарув экипажи воқеа жойига етиб бориб, ёнғин бартараф этилган. Ёнғиндан уйнинг 150 квадрат метр майдони сақлаб қолинган. Ҳодиса оқибатида тан жароҳати олган ва ҳалок бўлганлар йўқ.
“Ҳозирда ёнғин сабаби ва моддий зарар миқдори аниқланмоқда”, дейилади хабарда.
Эслатиб ўтамиз, жорий йилнинг 7 февралида Наманган вилоятининг Косонсой туманидаги уйда газ-ҳаво аралашмасининг чақнаши туфайли портлаш содир бўлган эди. Оқибатда уй эгаларининг бири вафот этганди.
Live
Барчаси