Namanganda ham FVB boshlig‘i 160 ming dollar pora oldi (video)

Namangan viloyati Pop tumani Favqulodda vaziyatlar bo‘limi boshlig‘i 160 ming AQSH dollari olgan vaqtida qo‘lga olindi. Bu haqda O‘zA xabar berdi.

Qayd etilishicha, u o‘zining 5 nafar oila a’zolariga Pop tumani hokimining 2021 yil fevral oyidagi qarori bilan limon yetishtirish uchun issiqxona tashkil etish maqsadida ajratib berilgan 2 gektar yer maydonini o‘zining mansabdor tanishlari orqali xaridor nomiga rasmiylashtirib berish hamda u yerda kottej tipidagi uy-joylar qurishi uchun ruxsat olib berish evaziga ushbu pullarni olgan paytida huquqni muhofaza qiluvchi organlar tomonidan ashyoviy dalillar bilan ushlangan.

Hozirda unga nisbatan Jinoyat kodeksining 25,168-moddasi(firibgarlik) 4-qismi “a” bandi va 28,211-moddasi(pora berish) 2-qismi “b” bandi bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Sirdaryo viloyati Sayxunobod tumani Favqulodda vaziyatlar bo‘limining tezkor bo‘linmasi boshlig‘i 7 ming AQSH dollari miqdorida pora olgan vaqtida qo‘lga olingandi.