MYU “Real” futbolchisini o‘z safiga qo‘shmoqchi

Angliyaning “Manchester Yunayted” klubi “Real” vingeri Rodrigo Goyesga qiziqish bildirmoqda. Bu haqda “Diario Sport” xabar berdi.

Manbaga ko‘ra, braziliyalik vinger yangi bosh murabbiy Ruben Amorim kelganidan keyin birinchi transfer maqsadlaridan biri bo‘lishi mumkin. Hozirda bir qator manbalar Rodrigoning “Real Madrid” klubidagi o‘rnidan noroziligi haqida yozmoqda.

Joriy mavsumda Rodrigo barcha musobaqalarda 14 ta o‘yinda qatnashib, 3 ta gol va ikkita golli uzatmaga mualliflik qildi. Futbolchining klub bilan amaldagi shartnomasi 2028 yilning yoziga qadar amal qiladi. “Transfermarkt” portalida berilgan ma’lumotlarga ko‘ra, futbolchining bozor qiymati 110 million yevroni tashkil qiladi.

Ma’lumot uchun, hozirda MYU Angliya chempionatining ortda qolgan 11 ta turidan keyin 15 ochko bilan 13-o‘rinda bormoqda. Niderlandiyalik mutaxassis Erik ten Xag jamoa postini bo‘shatib qo‘ygach, manchesterliklarning ketma-ket 2 ta g‘alabaga erishdi.