Mutaxassis konservalarning xavfini ma’lum qildi 

Konservalangan mahsulotlar qon bosimining oshishiga olib kelishi, shuningdek, saraton rivojlanishini qo‘zg‘atishi mumkin. Bu haqda diyetolog Yelena Solomatina ma’lum qildi. 

Uning so‘zlariga ko‘ra, bu bunday mahsulotlarning bir qismi bo‘lgan ikkita moddaga bog‘liq. 

“Konservalar tarkibida potensial xavfli oziq-ovqat qo‘shimchasi — natriy benzoat bo‘lishi mumkin. Agar organizm ushbu moddani haddan tashqari ko‘p miqdorda qabul qilsa, xatarli o‘smalar paydo bo‘lish xavfi mavjud”, deya tushuntirgan u. 

Ta’kidlanishicha, saraton paydo bo‘lishi va iste’mol qilingan benzoat miqdori o‘rtasidagi bog‘liqlikni ko‘rsatadigan tadqiqotlar mavjud. 

“Uy sharoitida tayyorlangan konservalar ko‘proq zararsiz qo‘shimchalarni o‘z ichiga oladi, ammo ularga ham ehtiyotkorlik bilan munosabatda bo‘lish kerak”, deb davom etgan shifokor. 

Shifokorga ko‘ra, bunday mahsulotlarni ko‘p iste’mol qilish bosimning oshishiga, gipertonik inqirozga olib kelishi mumkin. Buning sababi — tuz. 

“Konservalarda tuz juda ko‘p, ammo kam odam bu haqda o‘ylaydi. Tuzni ortiqcha iste’mol qilish organizmda suyuqlikni ushlab turadi, ya’ni asabiylashishni qo‘zg‘atishi mumkin. Bunga moyil bo‘lgan odamlarda bosimning oshishi va hatto gipertonik inqiroz kuzatiladi”, deb tushuntirgan shifokor.