Modrich “Real”dan ketadi – manba
Sport
−
13 may 4410
Madridning “Real” klubi yarim himoyachisi Luka Modrich mavsum yakunida jamoani tark etadi. Bu haqda futbol jurnalisti Ramon Alvares de Mon o‘zining X sahifasida ma’lum qildi.
Manbaga ko‘ra, 38 yoshli xorvatiyalik madridliklar safida to‘p suradigan 10-raqam Kilian Mbappega o‘tadi. Fransiyalik futbolchining transferi yaqin orada e’lon qilinishi kutilmoqda.
Dastlab, Mbappe qirollik klubida 9-raqam ostida to‘p tepishi xabar qilingandi, biroq Modrich ketsa, Kilian 10-raqamning yangi egasiga aylanadi.
Modrich 2012 yildan beri “Real”da o‘ynab kelmoqda. Joriy mavsumda yarim himoyachi barcha musobaqalarda 42 ta o‘yin o‘tkazib, 2 ta gol urdi va 7 ta golli uzatmani amalga oshirdi.
Eslatib o‘tamiz, avvalroq Mbappe “Real”dagi besh yili davomida qancha bonus olishi xabar qilingandi.
