Модрич “Реал”дан кетади – манба
Спорт
−
13 Май 4409
Мадриднинг “Реал” клуби ярим ҳимоячиси Лука Модрич мавсум якунида жамоани тарк этади. Бу ҳақда футбол журналисти Рамон Альварес де Мон ўзининг Х саҳифасида маълум қилди.
Манбага кўра, 38 ёшли хорватиялик мадридликлар сафида тўп сурадиган 10-рақам Килиан Мбаппега ўтади. Франциялик футболчининг трансфери яқин орада эълон қилиниши кутилмоқда.
Дастлаб, Мбаппе қироллик клубида 9-рақам остида тўп тепиши хабар қилинганди, бироқ Модрич кетса, Килиан 10-рақамнинг янги эгасига айланади.
Модрич 2012 йилдан бери “Реал”да ўйнаб келмоқда. Жорий мавсумда ярим ҳимоячи барча мусобақаларда 42 та ўйин ўтказиб, 2 та гол урди ва 7 та голли узатмани амалга оширди.
Эслатиб ўтамиз, аввалроқ Мбаппе “Реал”даги беш йили давомида қанча бонус олиши хабар қилинганди.
