Misr penaltilar seriyasida g‘alaba qozonib, 1/8 finalga chiqdi

Bugun, 4 iyul kuni Misr milliy terma jamoasi 2026 yilgi Jahon chempionati 1/16 final bosqichida Avstraliyani penaltilar seriyasida mag‘lub etib, keyingi bosqichga yo‘l oldi.

Uchrashuvning asosiy va qo‘shimcha vaqtlari 1:1 hisobida yakunlandi. Misr terma jamoasining yagona goliga 13-daqiqada Imom Ashur mualliflik qildi. Avstraliya esa 55-daqiqada Muhammad Hani o‘z darvozasiga to‘p kiritib qo‘yganidan so‘ng hisobni tenglashtirdi. Penaltilar seriyasida esa misrliklar 4:2 hisobida ustun keldi.

Misr “G” guruhida ikkinchi, Avstraliya esa “D” guruhida ikkinchi o‘rinni egallagan holda pley-offga chiqqan edi. 1/8 finalda endi Misr Argentina hamda Kabo-Verde o‘rtasidagi uchrashuv g‘olibi bilan bahs olib boradi. Ushbu o‘yin joriy yilning 7 iyul kuni Atlanta shahrida bo‘lib o‘tadi.

Ma’lumot uchun, 2026 yilgi Jahon chempionati AQSH, Kanada va Meksika mezbonligida o‘tkazilmoqda. Musobaqa joriy yilning 19 iyul kuni o‘z yakuniga yetadi.