“Tug‘an kүnің qұtti bolsin” – Mirziyoyev To‘qayevni tug‘ilgan kuni bilan tabrikladi

O‘zbekiston Respublikasi Prezidenti Shavkat Mirziyoyev Qozog‘iston Respublikasi Prezidenti Qosim-Jomart To‘qayev bilan telefon orqali muloqot qildi. Bu haqda Prezident Matbuot xizmati xabar bermoda.

Ma’lum qilinishicha, Prezident Qosim-Jomart To‘qayevni tavallud kuni bilan samimiy muborakbod etib, unga mustahkam sog‘lik, farovonlik va muvaffaqiyat tilagan.

“Qozog‘iston Prezidentining birodar mamlakatlarimiz o‘rtasidagi ko‘p asrlik do‘stlik, yaxshi qo‘shnichilik va strategik sheriklik munosabatlarini mustahkamlashga qo‘shgan katta hissasi qayd etildi.

Muntazamlik kasb etgan va ishonchga asoslangan oliy darajadagi muloqotlar ko‘p qirrali O‘zbekiston-Qozog‘iston munosabatlarining jadal sur’at bilan rivojlanishiga xizmat qilayotgani ta’kidlandi”, deyiladi xabarda.

Shuningdek, suhbatda ikki tomonlama va mintaqaviy ahamiyatga molik dolzarb masalalar ko‘rib chiqilgan. Avval erishilgan kelishuvlarning amalga oshirilishi hamkorlikning barcha ustuvor yo‘nalishlarda yanada kengayishiga xizmat qilishiga ishonch bildirilgan.

Ma’lumot o‘rnida, Qozog‘iston Respublikasining ikkinchi Prezidenti Qosim-Jomart To‘qayev bugun, 17 may kuni 68 yoshni qarshiladi. U 2019 yildan buyon mamlakatning Nazarboyevning Elboshiligi ostida boshqarib kelmoqda.