Miroboddagi omborga o‘t ketdi

3-sahifa

−

05 Avgust visibility3054 timer1 daqiqa

Bugun, 5 avgust kuni Mirobod tumani Eski Otchopar ko‘chasida joylashgan omborxonada yong‘in sodir bo‘ldi. Bu haqda Toshkent shahar Favqulodda vaziyatlar bosh boshqarmasi xabar berdi.

Ma’lum qilinishicha, soat 12:58 da Mirobod tumani Eski Otchopar ko‘chasida joylashgan omborxonada yong‘in bo‘layotgani to‘g‘risida Toshkent shahar FVBBga murojaat kelib tushgan.

Xabarga asosan yong‘in-qutqaruv ekipajlari zudlik bilan yetib borib, yong‘in soat 13:17 da o‘chirilgan.

Qayd etilishicha, tan jarohati olganlar to‘g‘risida xabar kelib tushmagan.

Eslatib o‘tamiz, bugun, 5 avgust kuni Toshkent shahrining Olmazor tumanida joylashgan ko‘p qavatli uylardan biridagi elektr qutisida yong‘in sodir bo‘lgandi. Shuningdek, Andijon viloyati Qo‘rg‘ontepa tumanidagi choyxonada ham yong‘in sodir bo‘lgan.

Maqola muallifi