Minskdan Dushanbega uchgan samolyot majburan Toshkentga qo‘ndi
Olam
−
22 dekabr 2020 18768 1 daqiqa
Belarus poytaxti Minskdan Tojikiston boshkenti Dushanbega yo‘l olgan “Belavia” aviakompaniyasi samolyoti tuman tufayli Toshkentga qo‘nishga majbur bo‘ldi. Bu haqda "Asia-Plus" xabar bermoqda.
Rejadan tashqari qo‘nish bugun, 22 dekabr kuni ertalab, Dushanbe aeroporti quyuq tuman bilan qoplangan vaqtda sodir bo‘lgan. Ekipaj tuman tarqaguncha laynerni Toshkent aeroportiga qo‘ndirishga qaror qilgan.
Noqulay ob-havo chekingach, soat taxminan 14:00 larda samolyot Dushanbega yetib borgan.
Flightradar saytidan olingan suratlardan Belavia airlines samolyoti soat 09:40 da Dushanbe aeroportiga qo‘na olmay aylana shaklida parvoz qilganini ko‘ish mumkin. Havo kemasi bir nechta aylanishdan so‘ng Toshkent aeroportiga yo‘l olgani aks etgan.
Live
Barchasi