Milliarder Jeff Bezosning sobiq rafiqasi maktab o‘qituvchisiga turmushga chiqdi
Olam
−
08 mart 2021 11989
Amazon bosh direktori Jeff Bezosning sobiq rafiqasi, milliarder Makkenzi Skott amerikalik o‘qituvchi Den Jettga turmushga chiqdi. Bu haqda “The Wall Street Journal” tomonidan xabar berilgan.
Ma’lumot “Giving Pledge” xayriya kompaniyasi veb-saytidagi Skottning shaxsiy sahifasida paydo bo‘ldi. Uning a’zolari o‘z boyliklarining kamida yarmini xayriya ishlariga sarflashga va’da beradi.
Dan Jett Skottga xayriya ishlariga qo‘shilishini va shu va’daga rioya qilishini yozgan.
“O‘z boyligingizning katta qismini butun umringiz davomida xayriya ishlariga sarflashga tayyorligingiz haqida yozish g‘alati. Axir, men hech qachon bunday boylikni to‘plashni istamagan edim”, deydi u.
Jettning ta’kidlashicha, endi baxtli tasodif tufayli u o‘zi biladigan eng saxiy va mehribon odamlardan biriga uylandi va bu unga boshqalarning manfaati uchun katta miqdordagi xayriyada yordam beradi.
Live
BarchasiMedvedev Xitoyga bordi.
10:15