Meyson Mauntning transferi yakuniy boshqichga yetdi
Sport
−
30 iyun 2023 3302 1 daqiqa
Manchesterning “Yunayted” klubi va “Chelsi” Meyson Maunt transferi borasida kelishuvga erishdi. Bu haqda “Sky Sport” xabar berdi.
Manbaga ko‘ra, mankunianliklar yarim himoyachi uchun 5 million bonusni qo‘shib hisoblaganda umumiy 60 million funt to‘lab beradi.
Mazkur shartnoma bir yilga uzaytirish imkoniyati bilan besh yil muddatga imzolanishi kutilmoqda.
Insayder Fabritsio Romanoning xabar berishicha, ingliz futbolchisi kelasi hafta tibbiy ko‘rikdan o‘tadi.
Ma’lumot uchun, Maunt Angliya Premer-ligasining 2022/2023 yilgi mavsumida “Chelsi” safida 24 o‘yin o‘tkazib, 3 ta gol urgan.
