Messining transfer narxi pasaydi
Sport
−
09:16845
Argentina va “Inter Mayami” hujumchisi Lionel Messining bozor qiymati 20 million yevroga baholanmoqda. Bu haqda “Transfermarkt” portali xabar berdi.
Bungacha 37 yoshli futbolchining transfer narxi 25 million yevroni tashkil qilib kelayotgandi. Lionel Messi 2023 yilning yozida Fransiyaning PSJ klubidan erkin agent sifatida “Inter Mayami”ga o‘tgan edi. Bu vaqt ichida argentinalik futbolchi klub safida 39 ta o‘yin o‘tkazib, 34 ta gol urdi va 19 ta golli uzatmani amalga oshirdi.
Faoliyati davomida Lionel Messi sakkiz marta “Oltin to‘p”ni qo‘lga kiritgan va bu ko‘rsatkich bo‘yicha rekordchi hisoblanadi.
Eslatib o‘tamiz, avvalroq Lionel Messi Ozarbayjonga borib, mamlakatda o‘zi haqidagi film taqdimotida ishtirok etgani va davlat rahabri Ilhom Aliyevning nevaralari bilan ko‘rishgani xabar qilingandi.
