Messi yilning eng yaxshi sportchisi bo‘lishi mumkin
Sport
−
23 iyun 2023 3033
Argentina terma jamoasi va “Inter Mayami” klubi hujumchisi Lionel Messi 2022 yilning eng yaxshi erkak sportchisi sovriniga nomzod bo‘ldi. Milliy Amerika futboli ligasi (NFL) yulduzi Patrik Maxoums, basketbolchi Nikola Jokich va beysbolchi Aaron Judj ham sovringa da’vogar hisoblanadi.
O‘tgan yili “Golden Steyt” jamoasining posboni Stiven Karri ushbu sovrinni qo‘lga kiritgan edi.
Messi Jahon chempionatdagi ko‘rsatkichi uchun mukofotga nomzod bo‘ldi – Argentina terma jamoasi Lionel bilan Qatardagi Jahon chempionatida g‘olib chiqdi, Messining o‘zi esa turnirning eng yaxshi futbolchisi sifatida e’tirof etildi.
Eslatib o‘tamiz, Messi 6 iyun kuni “Inter Mayami” a’zosiga aylandi. U 21 iyul kuni yangi klubida debyut o‘yinini o‘tkazadi. O‘sha kuni AQSH klubiga Meksikaning “Kruz Asul” jamoasi raqiblik qiladi.
