Messi yoki Ronaldu? De Bryuyne o‘z tanlovini qildi

“Manchester Siti” yarim himoyachisi Kevin De Bryuyne Messi yoki Ronaldu bilan bir jamoada o‘ynash imkoniyati qo‘yilsa, portugaliyalik futbolchi bilan to‘p tepishni afzal bildi. Bu haqda u “SportBible” nashriga bergan intervyusida aytdi.

Manbaga ko‘ra, De Bryuynening tanloviga portugaliyalik futbolchining tipik hujumchi, Messining esa pleymeyker ekanligi sabab bo‘ldi.

“Men Ronaldu degan bo‘lardim, chunki u ko‘proq tipik hujumchi. Messida esa pleymeyker xarakteri kuchli. Men ham pleymeykerman, shuning uchun yaxshi hujumchi bilan bir jamoada o‘ynagan bo‘lardim”, deydi futbolchi.

Ma’lumot uchun, De Bryuyne 2015 yilning yozidan buyon “Manchester Siti”da to‘p surmoqda. U klub safida 382 ta o‘yinda maydonga tushib, 102 ta gol va 170 ta golli uzatmaga mualliflik qildi. De Bryuyne “Man Siti” bilan birgalikda olti marta Angliya Premer-ligasida g‘olib chiqdi.

Eslatib o‘tamiz, avvalroq Lionel Messi MLSda oyning eng yaxshi futbolchisi bo‘lgani xabar qilingandi.