Messi yoki Ronaldu? Argentinalik darvozabon kutilmagan tanlov qildi

Argentinalik afsonaviy sobiq darvozabon Ugo Orlando Gatti Lionel Messi yoki Krishtianu Ronaldu haqidagi azaliy bahs haqida o‘z fikri bilan o‘rtoqlashib, portugaliyalik futbolchini Messidan yaxshiroq hisoblashini bildirdi. 

“Krishtianu noyob fenomen. Messiga o‘xshagandan ko‘ra betakror bo‘lgan ma’qul. U o‘ziga xos, u Messidek qobiliyatga ega emas, lekin Ronaldu hali ham dunyoning eng yaxshi jamoalarida o‘ynamoqda. Bu jasorat talab qiladi. Messi qayerda o‘ynagan? “Barselona”da va Argentina terma jamoasida. Messida imkoniyatlar bo‘lsa-da, boshqa mamlakatlarda boshqa jamoalarda o‘ynash uchun yangi chaqiriqlarni qabul qilmadi”, deydi Gatti.

Ma’lumot uchun, 37 yoshli Messi 8 karra “Oltin to‘p” sohibi va Jahon chempionati g‘olibi hisoblanadi. Kelasi yil fevral oyida 40 yoshni qarshilaydigan Ronaldu esa 5 karra “Oltin to‘p” sohibi va futbol tarixida eng ko‘p gol urgan hujumchi sanaladi.