Месси ёки Роналду? Аргентиналик дарвозабон кутилмаган танлов қилди
Спорт
−
25 Декабрь 5457
Аргентиналик афсонавий собиқ дарвозабон Уго Орландо Гатти Лионель Месси ёки Криштиану Роналду ҳақидаги азалий баҳс ҳақида ўз фикри билан ўртоқлашиб, португалиялик футболчини Мессидан яхшироқ ҳисоблашини билдирди.
“Криштиану ноёб феномен. Мессига ўхшагандан кўра бетакрор бўлган маъқул. У ўзига хос, у Мессидек қобилиятга эга эмас, лекин Роналду ҳали ҳам дунёнинг энг яхши жамоаларида ўйнамоқда. Бу жасорат талаб қилади. Месси қаерда ўйнаган? “Барселона”да ва Аргентина терма жамоасида. Мессида имкониятлар бўлса-да, бошқа мамлакатларда бошқа жамоаларда ўйнаш учун янги чақириқларни қабул қилмади”, дейди Гатти.
Маълумот учун, 37 ёшли Месси 8 карра “Олтин тўп” соҳиби ва Жаҳон чемпионати ғолиби ҳисобланади. Келаси йил февраль ойида 40 ёшни қаршилайдиган Роналду эса 5 карра “Олтин тўп” соҳиби ва футбол тарихида энг кўп гол урган ҳужумчи саналади.
