Messi terma jamoada eng ko‘p gol urgan futbolchilar orasida uchinchi o‘ringa chiqib oldi

Futbol bo‘yicha Argentina terma jamoasining Yamayka bilan o‘rtoqlik uchrashuvida 3:0 hisobida g‘alaba qozondi. Argentinaning 2 ta goliga Lionel Messi mualliflik qilgan.

PSJ hujumchisi mazkur o‘yinda milliy terma jamoa safidagi 89 va 90-gollarini kiritdi. Bu natijasi orqali Messi malayziyalik Moxtar Daharini (89) ortda qoldirib, terma jamoalar tarixidagi eng yaxshi to‘purarlar qatorida uchinchi o‘ringa ko‘tarilib oldi.

Umuman olganda, Messi Argentina terma jamoasi safida 164 ta o‘yin o‘tkazgan. U terma jamoa tarixida eng ko‘p o‘yin o‘tkazgan futbolchilardan biri va Argentinaning eng yaxshi to‘purari hisoblanadi.

Termada gol urish borasidagi eng yaxshi ikkinchi natija eronlik sobiq futbolchi Ali Dayei tegishlidir. Ali Eron uchun 148 ta o‘yinda harakat qilib, 109 ta gol kiritgan. Bu borada mutloq rekordchi esa Messiningazaliy  raqobatchisi Krishtianu Ronaldu hisoblanadi. Ronaldu Portugaliya termasi uchun 189 ta o‘yinda maydonga tushib, 117 gol ta gol urgan.

Ma’lumot uchun, Messi 2021 yilning yozida “Barselona”ni tark etib, PSJ safiga qo‘shilgandi. U “ko‘k anorranglilar” safida 520 ta o‘yin o‘tkazib, 474 ta gol urgan va 216 ta golli uzatmani amalga oshirgan. Messi Kataloniya klubi bilan birgalikda 35 ta sovrinni qo‘lga kiritgan va “Oltin to‘p”ning yetti karra sohibiga aylangan.