Messi fevral oyining eng yaxshi futbolchisi bo‘ldi
Sport
−
06 mart 2020 3582
Kataloniyaning "Barselona" klubi futbolchisi Lionel Messi La liga doirasida fevral oyining eng yaxshi futbolchisi, deya e’tirof etildi.
32 yoshli argentinalik futbolchi La ligada fevral oyida raqiblar darvozasiga 4 ta to‘p kiritgan va 6 ta golga assistentlik qilgan. Messi bu sovrinni ushbu mavsumda ikkinchi bor qo‘lga kiritmoqda. U bundan avval o‘tgan yili noyabr oyida Ispaniya chempionatining eng yaxshi futbolchisi, deya e’tirof etilgandi.
Ma’lumot o‘rnida, Lionel Messi joriy mavsumda "Barselona" tarkibida 21 uchrashuvda maydonga tushib, raqiblar darvozasini 18 marotaba ishg‘ol qilgan.
