Messi faoliyatidagi 900-golini urdi (video)

Bugun, 19 mart kuni Amerikaning “Inter Mayami” klubi hujumchisi Lionel Messi KONKAKAF Chempionlar kubogi 1/8 final javob uchrashuvida “Neshvill”ga qarshi bahsning 7-daqiqasida gol urib, o‘zining faoliyatidagi 900-golini rasmiylashtirdi.

Messi faoliyati davomida jami 900 ta gol urgan. Shundan 672 tasi “Barselona” safida, 32 tasi “Pari Sen-Jermen” tarkibida, 81 tasi Argentina yoshlar va olimpiya jamoalari safida, 115 tasi esa Argentina milliy terma jamoasi safida kiritilgan.

Biroq, Messining ushbu goli jamoasini musobaqadan chiqib ketishdan qutqara olmadi. Uchrashuv 1:1 hisobida yakunlandi. Ikki o‘yin natijasiga ko‘ra umumiy hisob teng bo‘ldi, biroq safarda urilgan gol qoidasi sabab “Neshvill” keyingi bosqichga yo‘l oldi. Birinchi o‘yin 0:0 hisobida tugagandi.

Lionel Messi “Barselona” futbol akademiyasi tarbiyalanuvchisi hisoblanadi. U 2003 yildan 2021 yilgacha klubning asosiy jamoasida to‘p surib, “Barselona” bilan 4 marta Chempionlar Ligasi g‘olibi bo‘lgan, 2022 yilda Argentina bilan Jahon chempionatida g‘alaba qozongan. Shuningdek, u ikki marta Kopa Amerika g‘olibi bo‘lgan hamda 8 marta “Oltin to‘p” sovrinini qo‘lga kiritgan.

Messi 2023 yildan buyon “Inter Mayami” safida to‘p surib kelmoqda.