Messi Argentina darvozaboni haqida gapirdi 

Argentina terma jamoasi sardori Lionel Messi jamoa darvozaboni Emiliano Martinesning o‘yin uslubini yuqori baholadi. 

“Martines – asosiy futbolchimiz. U o‘zini ko‘rsatish talab qilingan paytda har doim shunday qiladi. Martines dunyoning eng yaxshi darvozabonlaridan biridir”, deydi Messi.

Ayni damda “Aston Villa” futbolchisi hisoblangan Emiliano Martines faoliyatini “Independente”da boshlagan, 2012-2020 yillar davomida esa “Arsenal” uni turli klublarga ijaraga berib yuborgan.

Ma’lumot uchun, Argentina terma jamoasi JCH-2022 saralash o‘yinida Urugvayni 3:0 hisobida mag‘lub etdi. Uchrashuvning 38-daqiqasida Lionel Messi hisobni ochdi, bu PSJ futbolchisi uchun terma jamoa libosidagi 80-gol bo‘ldi. 

Shu tariqa, 10-turdan so‘ng 22 ochko jamg‘argan Argentina guruhda ikkinchi o‘rinni egallab turibdi. Birinchi o‘rinda esa 28 ochko bilan Braziliya termasi bormoqda.