“Mening fikrim” portalining mobil ilovasi yaratiladi

2017–2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha harakatlar strategiyasini “Ilm, ma’rifat va raqamli iqtisodiyotni rivojlantirish yili”da amalga oshirishga oid
davlat dasturi loyihasi e’lon qilindi.

2020 yilning 1 mayiga qadar “Mening fikrim” veb portali faoliyatini yanada takomillashtirish ko‘zda tutilgan. 

Ushbu portal orqali elektron jamoaviy murojaat qilish va ularni ko‘rib chiqish tartibi to‘g‘risidagi yangi nizomni tasdiqlanadi. Veb-portalning hisobotlar va statistika modulini takomillashtiriladi.

Bundan tashqari, foydalanuvchilarga qulaylik yaratish maqsadida veb-portalning mobil ilovasini yaratiladi.

Shuningdek, veb-portalga kelib tushayotgan  murojaatlarni ommaviy axborot vositalarida deputatlar, mutaxassislar, keng jamoatchilik ishtirokida muhokama qilish uchun ko‘rsatuv va eshittirishlar tashkil etish nazarda tutilgan.