Mbappe “Real”ga o‘tishga yaqin turibdi
Sport
−
16 fevral 2024 2830
Madridning “Real” klubi PSJ hujumchisi Kilian Mbappeni kelasi yozda erkin agent sifatida sotib olish bo‘yicha muzokaralarni davom ettirmoqda. Bu haqda jurnalist Matteo Moretto o‘zining X'dagi sahifasida ma’lum qildi.
Manbaga ko‘ra, “qirollik klubi” 25 yoshli futbolchi bilan shartnoma tuzishga nihoyatda yaqin turibdi.
Kecha, 15 fevral kuni Mbappe PSJ prezidenti Nosir Al-Xelayfiga fransuz grandini joriy mavsum yakunida, shartnomasi tugagach, tark etishi haqida ma’lum qildi.
Mbappe 2018 yildan beri PSJda o‘ynab kelmoqda. Bu davrda u barcha turnirlarda 290 ta uchrashuvda qatnashib, 243 ta gol va 105 ta golli uzatmaga mualliflik qildi. “Transfermarkt” portali ma’lumotlariga ko‘ra, futbolchining bozor qiymati 180 million yevroni tashkil qiladi.
Live
Barchasi
