MB dollar kursining o‘sishiga izoh berdi

Avvalroq, O‘zbekiston Respublikasi Markaziy banki xorijiy valyutalarning so‘miga nisbatan kursini kutilmaganda o‘zgartirgani haqida xabar bergan edik.

MB so‘mning xorijiy valyuta, xusuan, dollar va yevroga nisbatan qadrsizlanishiga izoh berdi.

“Joriy oyning ikkinchi yarmidan boshlab, ayniqsa so‘nggi haftada, ichki valyuta bozorida xorijiy valyutaning milliy valyutaga nisbatan kursi o‘sish sur’atlarining tezlashishi kuzatildi. 

Ushbu holatning shakllanishiga qator tashqi va ichki omillar ta’sir ko‘rsatdi. 

Tashqi omillar joriy yilning iyul oyidan boshlab, O‘zbekistonning asosiy savdo sheriklari bo‘lgan ba’zi mamlakatlarda (shu jumladan Rossiya,  Qozog‘iston va Xitoy) milliy valyutalarning qadrsizlanishi tendensiyasi rivojlanmoqda, bu ma’lum darajada valyuta bozori ishtirokchilari tomonidan valyuta kurslari va qarorlarni qabul qilish jarayoniga ta’sir qiladi.

Ichki omillar asosan xo‘jalik yurituvchi subektlar - import qiluvchilar tomonidan chet el valyutasiga talabning ortib borishi bilan bog‘liq. 

Ichki valyuta bozorida talab va taklifning nisbiy barqarorligi sharoitida Markaziy bankning asosiy maqsadi ishlab chiqaruvchilardan pul oltinini sotib olish natijasida yuzaga kelgan ortiqcha likvidlikni sterillashtirish bo‘lib, ichki valyuta bozorida qisqa muddatli kurs o‘zgarishini yumshatish uchun vosita sifatida ishlatiladi. 

Shu bilan birga, ichki valyuta bozordagi mavjud vaziyatni hisobga olgan holda, Markaziy bank valyuta intervensiyalari paytida kunlik o‘zgarishni yanada kengroq koridoriga o‘tmoqda.

Markaziy bank qisqa muddatli o‘zgaruvchanlikni davom ettirish va fundamental tendensiyaga qaytish bilan valyuta kursini ma’lum bir kichik darajada tartibga solishga imkon beradi”, deyiladi MB bayonotida.