МБ доллар курсининг ўсишига изоҳ берди

Жамият 5585
image

Аввалроқ, Ўзбекистон Республикаси Марказий банки хорижий валюталарнинг сўмига нисбатан курсини кутилмаганда ўзгартиргани ҳақида хабар берган эдик.

МБ сўмнинг хорижий валюта, хусуан, доллар ва еврога нисбатан қадрсизланишига изоҳ берди.

“Жорий ойнинг иккинчи ярмидан бошлаб, айниқса сўнгги ҳафтада, ички валюта бозорида хорижий валютанинг миллий валютага нисбатан курси ўсиш суръатларининг тезлашиши кузатилди. 

Ушбу ҳолатнинг шаклланишига қатор ташқи ва ички омиллар таъсир кўрсатди. 

Ташқи омиллар жорий йилнинг июль ойидан бошлаб, Ўзбекистоннинг асосий савдо шериклари бўлган баъзи мамлакатларда (шу жумладан Россия,  Қозоғистон ва Хитой) миллий валюталарнинг қадрсизланиши тенденцияси ривожланмоқда, бу маълум даражада валюта бозори иштирокчилари томонидан валюта курслари ва қарорларни қабул қилиш жараёнига таъсир қилади.

Ички омиллар асосан хўжалик юритувчи субектлар - импорт қилувчилар томонидан чет эл валютасига талабнинг ортиб бориши билан боғлиқ. 

Ички валюта бозорида талаб ва таклифнинг нисбий барқарорлиги шароитида Марказий банкнинг асосий мақсади ишлаб чиқарувчилардан пул олтинини сотиб олиш натижасида юзага келган ортиқча ликвидликни стериллаштириш бўлиб, ички валюта бозорида қисқа муддатли курс ўзгаришини юмшатиш учун восита сифатида ишлатилади. 

Шу билан бирга, ички валюта бозордаги мавжуд вазиятни ҳисобга олган ҳолда, Марказий банк валюта интервенциялари пайтида кунлик ўзгаришни янада кенгроқ коридорига ўтмоқда.

Марказий банк қисқа муддатли ўзгарувчанликни давом эттириш ва фундаментал тенденцияга қайтиш билан валюта курсини маълум бир кичик даражада тартибга солишга имкон беради”, дейилади МБ баёнотида.

Суннатилла Абдуллаев
Мақолага баҳо беринг
Баҳолаганлар: 91
Рейтинг: 2.9
Будьте в курсе событий!
×
×