Mask soddalashtirilgan elektron pochta xizmati yaratilishini e’lon qildi

Amerikalik tadbirkor, SpaceX va Tesla asoschisi Ilon Mask soddalashtirilgan interfeysga ega Xmail elektron pochta xizmati yaratilishini e’lon qildi. Bu haqda u o‘zining X sahifasida ma’lum qildi. 

Bunday bayonot ijtimoiy tarmoq foydalanuvchilaridan birining pochta qutisiga formatlash muammolarisiz ega bo‘lish istagini bildirgan postiga javoban qilingan.

“Xmail elektron pochta haqida eng yaxshi narsani - universal moslikni saqlaydi va qolganlarini tashlab yuboradi”, degan foydalanuvchi o‘z izohida. 

Ilon Maskning ta’kidlashicha, Xmail elektron pochta haqidagi barcha eng yaxshi narsalarni, shu jumladan universal muvofiqlikni saqlab qoladi va keraksiz xususiyatlardan xalos bo‘ladi. Xizmat qo‘shimcha ilovalarsiz va cheksiz kontaktlar ro‘yxatisiz qulay va uzluksiz aloqani taqdim etadi.

Loyiha Ilon Maskning kengroq platformasi X strategiyasining bir qismi hisoblanadi. U platformaga yangi funksiyalarni joriy etish, algoritmlarni ochiq manba qilish, spam-botlarga qarshi kurashish va so‘z erkinligini targ‘ib qilishni rejalashtirmoqda.
 
Eslatib o‘tamiz, avvalroq Ilon Mask o‘zining Starbase kosmik bazasini Texasda yangi shaharga aylantirishni rejalashtirayotgani haqida xabar berilgandi. Bu Starbase'ni mustaqil shahar qilishga birinchi urinish emas. Mask bu g‘oyani 2021 yilda ham ilgari surgan. O‘sha paytda u Texasda Starbase shahrini yaratish taklifini e’lon qilgan.