Маск соддалаштирилган электрон почта хизмати яратилишини эълон қилди

Америкалик тадбиркор, SpaceХ ва Теslа асосчиси Илон Маск соддалаштирилган интерфейсга эга Хmail электрон почта хизмати яратилишини эълон қилди. Бу ҳақда у ўзининг Х саҳифасида маълум қилди. 

Бундай баёнот ижтимоий тармоқ фойдаланувчиларидан бирининг почта қутисига форматлаш муаммоларисиз эга бўлиш истагини билдирган постига жавобан қилинган.

“Хmail электрон почта ҳақида энг яхши нарсани - универсал мосликни сақлайди ва қолганларини ташлаб юборади”, деган фойдаланувчи ўз изоҳида. 

Илон Маскнинг таъкидлашича, Хmail электрон почта ҳақидаги барча энг яхши нарсаларни, шу жумладан универсал мувофиқликни сақлаб қолади ва кераксиз хусусиятлардан халос бўлади. Хизмат қўшимча иловаларсиз ва чексиз контактлар рўйхатисиз қулай ва узлуксиз алоқани тақдим этади.

Лойиҳа Илон Маскнинг кенгроқ платформаси Х стратегиясининг бир қисми ҳисобланади. У платформага янги функцияларни жорий этиш, алгоритмларни очиқ манба қилиш, спам-ботларга қарши курашиш ва сўз эркинлигини тарғиб қилишни режалаштирмоқда.
 
Эслатиб ўтамиз, аввалроқ Илон Маск ўзининг Starbase космик базасини Техасда янги шаҳарга айлантиришни режалаштираётгани ҳақида хабар берилганди. Бу Starbase'ни мустақил шаҳар қилишга биринчи уриниш эмас. Маск бу ғояни 2021 йилда ҳам илгари сурган. Ўша пайтда у Техасда Starbase шаҳрини яратиш таклифини эълон қилган.