Masharipov “Al-Nasr” a’zolari bilan xayrlashdi
Sport
−
18 avgust 2023 5605
Saudiya Arabistonining “Al-Nasr” O‘zbekiston milliy terma jamoasi a’zosi Jaloliddin Masharipov jamoadoshlari va Saudiya klubi mutasaddilari bilan xayrlashdi.
“Ikki yil ajoyib tarzda o‘tdi, hammasi uchun “Al-Nasr” klubi, futbolchilar, ma’muriyat va sevimli muxlislarimizga rahmat aytaman. Sizga barcha yaxshi ezgu tilaklarimni tilab qolaman”, deydi Masharipov.
Masharipov o‘tgan mavsum Ar-Riyod klubi safida 16 ta o‘yinda maydonga tushib, 2 ta assist muallifiga aylandi. “Transfermarkt”ga ko‘ra, futbolchi qiymati 2 million yevroni tashkil etadi.
Qayd etilishicha, hozirda Turkiyaning “Trabzonspor” klubi o‘zbekistonlik futbolchiga jiddiy qiziqmoqda. Agar Masharipov ham Turkiyaga yo‘l olsa, u mamlakat Superligasida to‘p tepuvchi uchinchi o‘zbekistonlik futbolchiga aylanadi.
Live
Barchasi
