Markaziy Osiyo derbisi. Bugun “Paxtakor” Qozog‘istonning “Qayrat” klubiga qarshi o‘ynaydi
Sport
−
19 iyul 2023 2431
Bugun, 19 iyul kuni Toshkentning “Paxtakor” klubi Qozog‘istonning Olmaota shahrida navbatdagi o‘rtoqlik o‘yinini o‘tkazadi. Unda “sherlar”ga mahalliy “Qayrat” jamoasi raqiblik qiladi.
Olmaota “Markaziy” stadionida 19:00 da start oladigan mazkur uchrashuv “Sport” telekanali orqali to‘g‘ridan-to‘g‘ri efirga uzatiladi.
Ma’lumot uchun, jamoalar so‘nggi bor 2003 yilning fevral oyida Toshkentda bo‘lib o‘tgan Markaziy Osiyo derbisida o‘zaro bahs olib borgan. Unda Toshkent klubi 4:3 hisobida bitta gol farqi bilan g‘alaba qozongan.
Shuningdek, klublar rasmiy o‘yinlarda jami 60 marta to‘qnash kelgan va 20 ta uchrashuvda “Paxtakor”, 26 ta bahsda esa “Qayrat” g‘olib bo‘lgan hamda 14 ta uchrashuv durang bilan tugagan. “Sherlar” raqib darvozasiga 70 ta to‘p kiritgan holda 81 ta gol o‘tkazib yuborgan.
