“Manchester Yunayted” “Barselona” futbolchisi bilan muzokara olib bormoqda

Ispaniyaning “Barselona” jamoasi himoyachisi Alexandro Balde transfer oynasi yopilgunga qadar “Manchester Yunayted” klubiga o‘tishi mumkin. Bu haqda insayder Nikolo Skira xabar berdi.

Manbaga ko‘ra, “Manchester Yunayted” 22 yoshli ispaniyalik futbolchiga qiziqish bildirmoqda. Angliya klubi va Baldening agenti Jorje Mendesh o‘rtasida yaqin soatlarda to‘g‘ridan-to‘g‘ri muzokaralar o‘tkazilishi kutilmoqda.

Balde yangi mavsumning birinchi o‘yinida “Elche”ga qarshi (5:0) uchrashuvda maydonga tushmadi. Bosh murabbiy Xans-Diter Flik uni uchrashuv qaydnomasiga kiritmagan.

Ayni paytda “Manchester Yunayted” Baldeni chap qanot himoyasi uchun asosiy nomzodlardan biri sifatida ko‘rib chiqmoqda. Biroq Angliya klubi futbolchini ijaraga olish variantini afzal ko‘rayotgani haqida ham xabarlar bor.

Ma’lumot uchun, Baldening “Barselona” bilan amaldagi shartnomasi 2028 yilgacha mo‘ljallangan. “Transfermarkt” portali futbolchining qiymatini 50 million yevro atrofida baholamoqda.